"Summer!!!" Sobrang bilis ng takbo ko.

Ito ang pinakakinakatakutan kong mangyari - ang hindi niya ako makilala.

Hindi ko na rin alam kung saan ko pa nakukuha ang tubig na galing sa mga mata ko. Hindi ako sigurado kung sapat ba yung nainom kong tubig para maluha ng ganito.

Yinakap ako ni Gette.

"Summer, maalala ka rin niya. Sure ako dun!" Sabi ni Aliyah nang naabutan na nila ako.

Tumango ako.

"Oo, maalala niya ako. Pero ang sakit lang nung sinabi niya. Ang sakit pala pa`g di ka maalala ng taong mahal mo."

Pilit kong iniisip na maalala niya rin ako. Hindi ko rin alam kung dapat ba akong magpakita sa kanya o magtago na lang muna. At nagkasundo na rin kami ng mama at papa niyang wa`g na lang muna sabihin sa kanya ang tungkol sa akin. Baka daw lalong malito ito at lalong di maalala ang lahat.

Nakalabas siya sa hospital one week later. Ang sabi ng doctor, mga dalawa hanggang anim na buwan ang tantya niya at maalala na ni Lex ang lahat ng missing parts ng memory niya.

Kaya minabuti kong sumama na lang sa tour ng course ko para naman makaabot ako sa mga subject na nahuli ko. Buong summer, ginugol ko sa pag-aaral at kung anu-ano pa. Di ko rin nadadalaw si Lex-- ang nakakatawa pa ay lagi kong naiisip na sana isang araw, hanapin niya ako dahil may naalala na siya.

Pero walang araw na ganun ang nangyari. Habang tumatagal, lalo ko siyang nami-miss.

"Summer, sumama ka sa Sortee!" Sabi ni Aliyah sakin.
"H-Huh? Bakit?"
"Birthday nung papa ni Lex bukas! Baka makita mo si Lex dun!"

Naalala kong birthday nga ng papa ni Lex this times... yung mga araw ng summer na tag-ulan. Naalala ko yung araw na tinakbuhan ko siya sa ulan. Inis na inis ako sa kanya nun dahil nalaman kong peke yung mga signs na nakuha niya. Tingnan mo nga naman, anong ginagawa ko ngayon? Ako pa ang pupunta...

"Uh... Lex, eto nga pala si Summer... Naalala mo ba siya?" Siniko ako ni Aliyah habang ipinapakilala.
"Oo. Ako si Summer." Ngumiti ako.

Tumango siya, "Ba`t ka nandito?"

Ah. Okay. :(

"Ahh. Kasi... dinala ko siya... Pinsan ko siya eh."
"Ahh. Ngayon ko lang nalaman na pinsan mo pala yung sumagip sakin. Salamat ah?" May hawak-hawak pa siyang goblet at tinalikuran kami.
"L-Lex! Busy ka ba?" Sabi ni Aliyah.
"Uh... di naman. Bakit?"

I looked around. Maraming tao ngayon, pero mas marami parin yung party noon.

"K-Kasi...." Tumingin si Aliyah sa akin. "Pwede ko bang ibilin si Summer muna sa`yo?" Ngumiti si Aliyah kay Lex. "Pupunta muna ako sa bar, mukha kasing may cute na guy doon!" Sabay turo sa kawalan. "Nakita ko kanina... na may papasok dun na gwapo. Pwede dito muna siya? Tsaka.. magc-CR din sana ako eh. Iwan ko muna siya sa`yo."
"H-Huh? Okay!" Ngumiti si Lex sakin at uminom.

Umalis na si Aliyah at kinindatan ako.

Tahimik lang ako kasi di ko alam kung anong sasabihin ko. Wala kaming mapag-usapan.

"Ba`t di ka sumama kay Aliyah?" Tanong niya.

Nabigla ako at nasiyahan dahil siya na mismo ang nagsimulang magsalita.

"Ah.. K-kasi..." Ano? wala akong masabi.
"Diba magpinsan kayo? Mahilig yun sa mga party at mga lalaki eh. Siguro ganun ka rin?" Sumulyap siya sakin.
"Hi-Hindi... naman..."

Bigla siyang naglakad patungo sa table kung saan maraming pagkain. Di ako sanay na tinatalikuran niya nang hindi nagpapaalam, ako pa nga ang nagwo-walk-out noon eh. Di rin ako sanay sa ginawa kong pagsunod sa kanya.

"Lex," Sabay yakap ni Kyla sa kay Lex. "I`m sorry, I`m late." sinulyapan ako ni Kyla.

Tumingin na lang ako dun sa cake na nakahanda.

"Summer?" Nag-iba ang ekspresyon ng mukha niya. Akala niya siguro`y naalala na ni Lex ang lahat.
"Oh yeah, Kyl... Do you know her? She`s Summer. Yung sumagip sakin. I didn`t know that she`s Aliyah`s cousin."

Unti-unting bumalik ang masayang mukha ni Kyla.

"A-Ahhh. Ganun ba? Oh yeah, I remember!" Lumingon si Kyla sakin at bumalik din naman agad ang tingin niya kay Lex. "Doon tayo Lex?" Sabay turo niya kung saan malayo sa kinatatayuan ko.

Sige! Try niyong pumunta doon at susundan ko parin kayo. Susundan ko si Lex kahit anong mangyari!

"Ahh, kasi... bilin ni Aliyah sakin na samahan si Summer dito. Ikaw na lang muna, Kyl!"

ERM! Grabe yun ah! Di ko inasahan yung sinabi ni Lex. Mejo napangiti ako nang bahagya sa sinabi niya. Kahit sa totoo lang, mejo naaalala ko yung noon. Kaya niya rin ako binantayan non dahil kay Aliyah.

"Ah... Ganun ba? Uh, sige. Balikan na lang kita dito ah?"
"Sure?"

Sumulyap ulit si Kyla sakin. Di ko talaga mapigilang ngumiti kaya sinubo ko na lang ang isang buong slice ng cake para hindi mapansin ng kahit sino, napaubo tuloy ako.

"O, okay ka lang ba?" Sabay bigay niya sakin ng isang baso ng wine.

Wine? Ayaw kasi ni Lex na umiinom ako.

Hindi ko natanggap ng diretso ang wine niya kaya linapag niya sa harapan ko.

Tumingin ulit siya sa mga pagkain at tinikman ang kung anu-ano. Umalis na rin siya sa tabi ko kaya sinundan ko ulit siya.

"Uh, Lex?" Sabi ko habang sumusunod sa kanya sa mga mesa ng pagkain.
"Huh?" Lumingon siya sakin.

I tried to act as normal as possible.

Pero di yata sapat ang pagtawag ko sa pangalan niya para mapanatili ang tingin niya sa akin.

Ano pa bang magagawa ko? Eh... nawala na ako sa utak niya... sa puso niya rin kaya?

"Saan ka ba nag summer last summer?" Tanong ko sa kanya. Baka sakali.

Natigilan siya at mukhang nag-isip naman talaga ng mabuti. Kinabahan ako habang nakikita siyang nahihirapan sa pag-alala.

"Last Summer? Nasa Boracay ako nun, bakit?"

Sandaling tumigil ang aking mundo.

Last Summer? Nasa Sortee lang kami nun! B-Baka, ang ibig niyang sabihin eh... last last Summer. Ouch!

"I-I mean... Last summer. As in, 2008." I smiled fakely.
"Ah... Oh! Hindi ko maalala eh. Bakit?"
"A-Ahh." Tumango ako.

Yan kasi! Summer eh, nagtatanong ka pa! GRRRR... Nasasaktan ka tuloy. Halos mabasag ang mga ngiti ko sa kanya nung binalewala niya ulit ako pagkatapos niyang sumagot at mag tanong ng 'bakit?' kahit mukhang di naman talaga siya interesado sa sasabihin kong rason.

"A-Ahhh, kasi..." Sinundan ko ulit siya. "Akala ko... naalala mo ko."

Lumingon siya. Ngumiti ulit ako.

"Bakit? Anong ginawa natin?"
"A-Ah... K-Kasi... Nagkakilala tayo, last summer." Bahagyang nabasag ang boses ko sa huling dalawang salita.
Tumango siya, "Talaga? Saan naman tayo nagkakilala?"

Sa wakas. Naging interesado na siya sa sasabihin ko. Syempre, mayroon akong naalalang, hindi niya naalala.

"Sa... Sortee... Dito." Ngumiti pa ako.
Tumango ulit siya at tumingin ulit sa mga mesa. "Sa Sortee lang siguro ako, buong Summer. Boring siguro yung summer na yun." Umalis ulit siya sa tabi ko.

Mejo... natigilan ako sa sinabi niya. BORING? Anong boring sa summer na nagkakilala tayo, Lex? Sa tingin niya ba`y di importante yung mga nangyari dun? Ba`t wala siyang maalala?

Ngayon, naramdaman ko ulit kong gano kasakit makita ang taong mahal na mahal ka noon, at ngayon nama`y parang kulang nalang ay isuka ka niya.

Pinunasan ko ang konting luha kong lumandas sa pisngi ko.

"Summer," Lalo kong inayos ang mukha ko nang marinig ko si Kyla. "hindi ka niya maalala."

Sinabi mo pa?

Hindi na ako nagsalit at baka sigawan ko lang ang isang `to.

Nag concentrate ulit ako sa mga pagkain habang tinatanaw si Lex sa kabilang side ng mesa at ganun rin ang ginagawa.

"Sabi ng doktor..." Napalingon ako kay Kyla. "... maaring di niya na daw ma retrieve ang memories niya."

Ha? Tapos? What about me?

"Sa sitwasyon niya, magda-dalawang buwan na yung nangyari-"
"Hindi totoo yan!" Sabi ko.
"-tanggapin mo na, Summer. Lex CAN`T remember anything since the SUMMER OF 2008 till the present! Move on!"
"Sinungaling ka! Di totoo yan!" Pinilit kong hindi bigyan ng emosyon ang mga boses ko kaya lang hindi ko magawa.

Umiling na lang si Kyla at sinundan si Lex. I`m left here all alone. Lex can`t remember me. Lex can`t remember everything he did for me. Lex can`t remember my signs.... Lex can`t remember the last sign that he did not achieve..... TAMA! maalala niya kaya ako pag binanggit ko sa kanya ang signs?

Napalingon ako sa gilid at nakita kong umikot na ang dalawa sa mesa at ngayon, naabutan ulit nila ako.

Mejo, malayo pa sila sa akin pero malakas parin ang radar ko kapag si Lex na ang pinag-uusapan.

"Yeah, I heard it from Jeremy. Nagturo daw ako ng Philosophy subject. Di ko nga lang alam kung bakit ko yun ginawa. I mean, I should be teaching some Economics classes if I want to teach that time. And... I don`t know why I tried to be a teacher." Tumawa pa siya sa huling sinabi niya.

Halos imassacre ko na `tong mga cake sa harapan ko dahil sa mga sinabi niya.

"Oo nga eh. Tsss."
"That`s why... gusto ko na ring magturo muna. Gusto ko rin kasing maranasan ulit kung ano man yung naramdaman ko at bakit nagturo pa talaga ako ng time na yun."

MAG TUTURO ULIT SIYAAAA? YES! Magandang ideya yan. Lex, susundan kita at pipilitin kitang alalahanin ako..... itaga mo yan sa bato!

Labels: Remembering Summer